Li fouma d'a Layens

Nos-alîs r'cwèri l' cavale èl wêde… Lèyon, li cinsî, pwèrtéve li lôye-cô so si spale, qwand d'on plin côp i m' dimanda di prinde astème.

- Vos-ètindez ci zûnèdje-la qui n'a nole ahote ?  C'èst mès crapôdes qu'ovrèt !

Dji n'a nin compris tot dreût çou qu'i m' voléve dîre.  Adon i s'a-st-aprépî d'on pårtchèt d' fleûrs wice qu'on hopê d' mohes al låme caracolît.  Èlle alît èt v'nît so lès spanèyès fleûrs di l'osté.

- C'èst mès crapôdes qui pwèrtèt al låme.

Adon, al doûce minote i prinda 'ne mohe al låme inte si pôce èt s' grand deût èt m'èl fa loukî avou atincion.

- Vos vèyez, cisse-chal a lès pates bin coviètes, èle ni va nin fé tårdjî d'vant dè rintrer al moh'lîre avou dès fameûzès hozètes a distchèrdjî.

Adon, i dèpoza li tchèrieûse la wice qu'i l' aveût prise avou l' pus grande dès précôcions.

Mins kimint aveût-i fêt po n' si nin fé picî èt n' nin blèssî l' mohe a l'åvion ???

Ci djèsse-la, èl fa pus d'ine fèye tot dè long di nosse porminåde.  Dj'èsteû tot-èstoumaké !  Lèyon èsteût-st-ossi moh'lî èt i m' aprinda qui lès mohes al låme n'

Ferdi Grigoletto le 09/03/19 à 9:39

Article paru dans le Blegny Initiatives n°505 : Février 2019